Finfinnee, Sadaasa 12, 2017 (FBC)-Paartiin Badhaadhinaa cabiinsa siyaasaa mudatee fi yaadota duubatti hafoo sirreessuun injifannoo olaanaan galmaa’eera jedhan Afyaa’iin Caffee Oromiyaa Aadde Sa’aadaa Abdurraahmaan.
Qopheesummaa Biiroo Dargaggoo fi Ispoortii Oromiyaatiin Hundeeffama waggaa 5ffaa Paartii Badhaadhinaa sochiiwwan ispoortii garaagaraan Finfinneetti kabajameera.
Saganticharratti Aadde Sa’aadaa Abdurrahmaan akka jedhanitti, hundeffama sochiin ispoortii dargagootaa fi qaamolee garaagaraa hirmaachise gaggeefamuun jajjabeefamu qaba.
Gaaffii haqaa fi diimokiraasii qabatee kan hundeefame Paartiin Badhaadhinaa cabiinsa siyaasaa mudatee fi yaadota duubatti hafoo sirreessuun injiffannoo olaanaan galmaa’eera jedhan.
Injifannoo hamma yoonaa galmaa’an itti fufsiisuun seenaa Itiyoophiyaa haaraa barreessuun murteessaa ta’uu kaasaniiru.
Ispoortiin bu’uura jaalalaa fi tokkummaati kan jedhan ammo Hogganaan Biiroo Dargaggoo fi Ispoortii Oromiyaa Obbo Maatiyaas Sabbooqaa Sammuu bilchaatee fi qaama jabaate qabaachuun, imala badhaadhinaa ni milkeessina jedhaniiru.
Saganticharratti Atileetonni, Ogeeyyiin Aartii fi hojjettoonni Biiroolee Oromiyaa hirmaataniiru.
Addis Taammiraatitu gabaase.
#Oromia #Ethiopia