Finfinnee, Eebila 21, 2013 (FBC) – Bulchiinsi magaalaa Finfinnee manneen gandaa seeraan ala qabamanii turan 115 harka qalleeyyii fi qaama miidhamtootaaf dabarse.
Itti aantuun Kaantibaa magaalaa Finfinnee aadde Adaanach Abeebee kutaa magaalaa Qiirqoositti manneen gandaa seeraan alaa qabamanii turan 115 qaama miidhamtootaa fi harka qalleeyyiif akkasumas sheedoota 22 Intarpiraayizootaaf darbarsaniiru.
Dabalataan ayyaana Faasikaa sababeeffachuun qaama miidhamtoota, harka qalleeyyii fi miseensoota Poolisiif Qotiyyoo fi meeshaalee nyaataa kanneen biroo gumaachaniiru.
Akkasumas aadde Adaanach kutaa magaalichaatti hojjettoota mootummaa seektaroota garaagaraa keessa hojjetan kanneen galii gadii aanaa qaban kuma 1 oliif kennaa ayyaanaa laachuu isaanii ragaan Waajjira Seekreetariyaa Preesii magaalaa Finfinneerraa argame ni agarsiisa.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.