Finfinnee, Onkololeessa 17, 2013 (FBC) – Bulchiinsa Magaalaa Sulultaatti balaa Konkolaataa gaheen lubbuu namoota 2 yoo darbu namoota 2 irratti ammoo miidhaan qaamaa salphaan ga’eera.
Divizhiiniin To’annaa Nageenyaa Tiraafikii Qajeelcha poolisii Bulchinsa magaalaa sulultaa Inispektar Kabbadaa Dinquu akka ibsanitti balaan kun kan gahe Onkololeessa 16, 2013 halkan keessaa tilmaaman sa’aa 4:30tti.
Balichi bulchiinsa magaalaa sululutaa ganda Qaasoo wasarbii iddoo addaa Dooroo irbaataa jedhamee waammamutti qaqqabeera.
Konkolaataan Siinoo Tiraakii Lakk. Gabatee kod. 3-52672 ET ta’e Ashawaa fe’ee Magaalaa Finfinnee irraa gara Magaalaa Sulultaatti osoo deemaa jiruu sababa hin beekkamneen karaa irraa goree mana jireenyaa namoota dhuunfaa keessaa galuu isaa ibsanii jiru.
Balaa kanaanis nama mana jireenyaa isaa keessa jiru tokkoo fi konkolaachisaan battalumatti lubbuun isaanii darbeera.
Akkasumas namoonni biroo mana jireenyaa isaanii keessa jiran 2 miidhan qaamaa salphaan irra gahee yaallamaa jiraachuu ibsaaniiru.
Manneen jireenyaa namoota dhuunfaa 3 immoo kan diigaman yoo ta’u, walumaagalatti qabeenyi Birrii 300,000 tilmaammamu manca’uu himaniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.