Finfinnee, Eebila 6, 2014 (FBC) – Boordiin Filannoo Biyyaalessaa garee gurmessuun iyyannoo paartilee siyaasaa qorachaa turuu beeksise.
Boordichi paartilee siyaasaa waliin dhimmoota garaagaraarratti mari’achaa jira.
Boordichi iyyannoowwan paartileen siyaasaa dhiyeessaniif garee qorannoo gurmeessuun hojiilee hedduu hojjechaa turuu beeksiseera.
Iyyannoowwan paartilee siyaasaa ka’umsa godhachuun bakkeewwan komiin irratti ka’anitti imaluun furmaata seeraa akka qabatan taasisuun danda’amuu ibsameera.
Iyyannoowwan ABO fi KFOn dhiyaatan irratti Oromiyaa bakkeewwan garaagaraatti imaluun hojiin qorannoo hojjetamuu ibsameera.
Kanaanis hojiimaanni seerri qabeessi hojiirra akka oolu murtoo dabarsuun furmaata itti kennisiisuu eerameera.
Iyyannoowwan paartilee siyaasaa garaagaraan ka’aniif furmaata kennisiisuuf gareewwan qulqulleessituu 7 gurmeessuun hojjechaa turuu boordichi ibseera.
Hojiin iyyannoo qorachuu fi qulqulleessuu xumuramuu fi yeroo barbaachisaa ta’etti koreewwan walfakkaatan gurmeessuun kan danda’amu ta’uu eerameera.
Maddi:- TOI
Ityoophiyaa:-Haa Misoomsinu,Haa Ijaarru, Haa qophoofnu!!!
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.