Finfinnee, Waxabajjii 13, 2015 (FBC) – Boordiin Filannoo Biyyaalessaa bu’aan xumuraa filannoo murtoo uummataa Walaayitaatti irra deebiin gaggeeffame Waxabajjii 19/2015 kan ifoomu beeksise.
Walitti qabduun Boordii Filannoo Biyyaalessaa Burtukaan Miidhaksaa filannoo murtee uummataa irra deebiin kaleessa Godina Walaayitaatti geggeeffame ilaalchisuun ibsa laataniiru.
Rakkoolee xixiqqaan adeemsa filannichaa keessatti mudataniif ariitiin furmaata sirrii ta’e kennuudhaan filattootni mirga isaanii sirnaan akka fayyadaman taasifameera jedhaniiru.
Bu’aan xumuraa filannoo murtii uummtaa kunis waxabajjii 19/2015 kan ifoomu ta’uu eeraniiru.
Filattoonni mirga isaaniitti fayyadamuu qaban sa’aatii sagalee kennuu idilee booda hiriira keessa waan turaniif, akkaataa seeraatiin sa’aatii tokkoof dabalataan akka dheeratu taasifamuufi himaniiru.
Dhaabbileen biyya keessaa lama boordii irraa beekamtii argataan adeemsa filannoo taajjibuuf beekamtii kan argatan yoo ta’u, taajjabdoonni 168 bobbaasuun adeemsa kana akka taajjaban taasifamuu himuu isaanii TOI gabaaseera.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.