Finfinnee, Bitootessa 8, 2015 (FBC) – Godina Booranaatti roobni roobuu hordofee lafa hektaara kuma 115 ol qotamuuf karoorfame keessaa, lafti hektaarri kuma 42fi 264 facaasaaf qophii ta’uu ibsameera.
Sirni jalqabsiisa torbee facaasaa kun Aanaa Taltalleetti bakka hoggantoonni adda addaa argamanitti labsamuu Itti Aanaa Itti gaafatamaan Waajjira Qonnaa godinichaa Obbo Jaarsoo Qancoorroo himaniiru.
Torbee facaasaa godinichatti labsameen guyyaa har’aa Aanaa Taltalleetti lafa hektaara kuma 39 irratti abbootii warraa kuma13f facaasan sanyii eegalamuu Bulchaan Aanaa Taltallee Obbo Abduuba Konsoo ibsaniiru.
Aanichatti rooba argametti fayyadamuuf Biiroon Qonnaa Oromiyaa Sanyii kuntaala 325fi xaa’oo kuntaala 450 horsiisee bultootaaf dhiyeessuu Obbo Abduuba Konsoo dubbataniiru.
Godinichatti rooba argameen horsiisee bultoonni guyyaa torbee facaasaa labsametti ooyruu qabanirratti sanyii facaafachuu akka qaban Bulchaan Godina Booranaa Obbo Abdisalaam Waariyoo ergaa dabarsan.
Rooba gandoota Aanaalee Godinichaa hunda keessatti roobeen harooleen finna 11 bishaan kuusachuu ragaan Waajjira Kominikeeshinii godinichaarraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.