Finfinnee, Hagayya 22, 2013(FBC)- Biiroon Daldalaa Oromiyaa raawwii hojii bara darbee fi qophii gara fuulduraarratti marii geggeessaa jira.
Biiroon daldalaa Oromiyaa gamaaggama raawwii hojii godinaalee fi magaalota Oromiyaa bara 2013 fi boqonnaa qophii bara 2014 irratti xiyyeeffachuun magaalaa Bishooftuutti marii geggeessaa jira.
Marii qopheessummaa biiroo daldalaa Oromiyaan qooda fudhattoota waliin mari’atamaa jirurratti haasawaa baniinsaa kan taasisan hogganaan biiroo daldalaa Oromiyaa obbo Dheengee Booruu, sirna daldalaa ammayyeessuun haqa qabeessummaa daldalaa mirkaneessuun xiyyeeffannoo argachuu akka qabu hubachiisaniiru.
Waltajjii marii biiroo daldalaa Oromiyaa kanatti manaajimantii fi ogeeyyii biiroo daldalaa Oromiyaa dabalatee itti gaafatamtoonni waajjira daldalaa godinaalee fi magaalota Oromiyaa argamaniiru.
Iddoosaa Abdiitu gabaase
Feesbuukii keenyan dabalata odeeffannoo waqtaawaa argachuuf :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.