Finfinnee, Sadaasa 30, 2017 (FMC) – Birrii Biiliyoona 25 taaksii waliin dhahuun kan himatame Barakat Alleehiinyi adabbii cimaa waggaa 10 fi Birrii miiliyoona 3.8’n adabameera.
Manni Murtii Olaanaa Federaalaa Lidaataa Dhaddachi ramaddii 1ffaa Dhimmoota Yakka Malaammaltummaa oolmaa har’aan ragaa bitaa fi mirgaan dhiyaate qorachuun murtoo adabbii dabarseera.
Manni murtichaa himatamaan yakka ittiin himatame raawwachuu erga mirkaneesseen booda himatamaan guutummaatti yakkamaadha jedheera.
Haaluma kanaan Dhaddachichi dhimmoota adabbii salphisan 5 shakkamaan dhiyeeffate fudhachuun adabbii cimaa waggaa 10 fi Birrii miiliyoona 3.8 akka adabamu itti murteesseera.
Namni dhuunfaan kun nagahee sobaa qopheessuun daldaltootaa fi dhaabbileef gurgurtaa Birrii biiliyoona 30 olii raawwachuun yakka waliin dhahuun cimaan shakkamee to’atamuun isaa kan yaadatamuudha.
Taarik Addunyaatu gabaase.
#Oromia #Ethiopia