Finfinnee, Eebila 9, 2014 (FBC) – Bara Oomishaa 2014/15 xaa’oon kuntaalli miiliyoonni 15 fayyadamtootaaf kan dhiyaatu ta’uu Ministeera Qonnaa beeksiseera.
Bara kana bittaan xaa’oo kuntaalli miiliyoonni 12.8 kan raawwate ta’uu ibsamuun, kanneen keessaa kuntaalli miiliyoonni 4 hanga ammatti gara biyyaa seenuu ibsameera.
Ministir deetaan Ministeera Qonnaa Dooktar Soofiyaa Kaasaa akka himanitti, mootummaan xiyyeeffannoo adda laatee bittaa xaa’oo raawwachuu ibsaniiru.
Bara oomishichaattis fedhiin xaa’oo kuntaalli miiliyoona 19.5 jiraachuu eeruun bara oomishaatti xaa’oon kuntaalli miiliyoonni 15 fayyadamtootaaf akka dhiyaatu himaniiru.
Hanga ammatis xaa’oon yuuriyaa irra deddeebiin caalbaasiin olaanaa itti ba’eefii buufata Jibuutii qaqqabuu himuun torbe dhufuu gara biyyaa seenuu kan eegaluu ni ta’a jedhaniiru.
Maddi:-TOI
Ityoophiyaa :- Haa Misoomsinu, Haa Ijaarru, Haa qophoofnu!!!
Fuula Feesbuukii keenyaan odeeffannoo waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.