Finfinnee, Caamsaa 7, 2015 (FBC) – Balaa Tiraafikaa qaqqabu % 70 hir’isuuf hojjetamaa jiraachuu Ministirri Ministeera Geejjibaa fi Tajaajila Loojastiiksii Dooktar Alamuu Simeen ibsan.
Dooktar Alamuu Simeen torbee nageenya Daandii Dhaabbata Mootummoota Gamtoomanii yeroo 7ffaaf kabajamu ilaalchisee Bakka buutoota dhaabbatichaa waliin Interneetii marii tasisaniiru.
Dhimmi Nageenya Daandii fi Geejjiba Magariisaa Imaammata Geejjibaa fi Loojastiksii Ityoophiyaa keessatti ajandaa xiyyeeffannnoon itti laatame ta’uu Dooktar Alamuun ibsaniiru.
Karoora waggaa 10 ministeericha keessatti rakkoolee nageenya daandiin walqabatan furuun Du’aatii balaa Tiraafikaan qaqqabu % 70 Hir’isuuf hojjetamaa jiraachuu dubbataniiru.
Torbeen Nageenya Daandii Dhaabbata Mootummoota Gamtoomanii 7ffaan Caamsaa 15, 2015 eegalee kan kabajamu ta’uu ragaan Ministeera Geejjibaa fi Tajaajila Loojastiksiirraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.