Finfinnee, Onkololeessa 3, 2016 (FBC)- Naannoo Tigraayitti barattoota qormaata kutaa 12ffaa fudhatanii gara maatiitti deebi’aa turaniirraan balaa tiraafikaa qaqqabeen lubbuun barattoota 6 darbuun ibsame.
Balichi barattoota qormataa kutaa 12ffaa Yuuniivarsitii Addigiraatitti qoramanii gara maatiitti deebi’aa turan irra kan qaqqabee ta’uun eerameera.
Balichaan hanga ammatti lubbuun barattoota 6 darbuu Bulchiinsa Yeroo Naannoo Tigrayitti Hogganaan Biiroo Barnootaa naannicha Dooktar Kiiroos Gi’uush dubbataniiru.
Dabalataniis, barattoota 24 irraan balaan qaama cimaa fi barattoota 20 irra balaan salphaan qaqqabuu eeraniiru.
Barattoota balaan qaama irra qaqqabes Hospitaala Ayiidaritti wal’aansi taasifamaafii jirachuun ibsameera.
Ka’umsa balichaa Poolisiin qorachaa jiraachuu Dooktar Kiiroos Faanaa Biroodkastingi Korporeetitti himanii, maatii barattootaafis jajjabina hawwaniiru.
Malaaku Gaddiftu gabaase.
#Oromiyaa #Itiyoophiyaa
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.