Finfinnee, Fulbaana 16, 2014 (FBC)- Godina Shawaa Lixaa aanaa Ejersa Lafootti balaa tiraafikaa aanaa Ejersaa Lafootti mudateen lubbuun namoota 8 darbu poolisiin beeksiseera.
Saajiin olaanaa to’annoo tiraafikaa aanichaa Fiqaaduu Mulgeetaa, balichi kan qaqqabee kaleessa galgalaa bakka addaa Laga Hulluuqootti jedhaniiru.
Konkolaataan minibaasii deddeebisaa uummataa Finfinneerra gara Giincii imalaa ture ayizuuziin konkolaataa deddebisaa uummataa Amboorraa gara magaalaa Finfinnee imalaa turee waliin walitti bu’uun balichi qaqqabuu himaniiru.
Balichaan konkolaachisaa minibaasichaa dabalatee lubbuun nama 8 darbuu ibsameera.
Namoonni balaan kun irra qaqqabees hospitaalaa Phaawuulisitti wallaa’nsii taasifamaafi jiraachuu hubachiisaniiru.
Maddi:-TOI
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.