Finfinnee, Mudde 24, 2017 (FMC) – Baankiin Daldalaa Itiyoophiyaa sosochii tajaajila Maamiltootaa Baatii tokkoof turu eegalchiiseera.
Sosochichi mata duree ‘Kenniinsa tajaajilaa Caaluun, Maamila gammachiisuu’ jedhuun eegalameera.
Ministirri Ministeera Maallaqaa fi Walitti qabaan Boordii Daayrektoreetota Baankii Daldala Itiyoophiyaa Obbo Ahimad Shiidee, Pireezidaantii baankichaa Obbo Abbee Saannoo fi hoggantoonni olaanoon baankichaa bakka argamanitti tajaajilichi eegaleera.
Maamiltoonni amantaan waan nu waliin hojjettaniif isin galateeffanna jedhan Obbo Ahimad Shiideen haawasa baniinsa sagantichaarratti taasisaaniin.
Murannoon isin tajaajiluuf yeroo mara qophiidha jedhan.
Pireezidaantiin Baankii Daldala Itiyoophiyaa Obbo Abbee Saannoon gama isaaniin baankichi milkaa’ina galmeessaa jiruuf gumaacha maamiltoonni taasiisan galateeffataniiru.
Baankiin keessan Yeroo hunda murannoon isin tajaajiluuf qophaa’ee isin eega jedhan.
Sosochiin Maamiltootaa kun Mudde 24 hanga Amajjii 25, 2017tti kan turu ta’uu ragaan baankicharraa argame ni mul’isa.
#Oromia #Ethiopia