Finfinnee, Waxabajjii 3, 2013 (FBC) – Manni Maree Bakka Bu’oota Uummataa Baajata dabalataa bara hojii 2013 Birrii biiliyoona 26.4 raggasiise.
Manni maricha walga’ii idilee har’a gaggeesseen baajata dabalataa bara hojii 2013 Birrii biiliyoona 26.4 raggaasiiseera.
Baajata ragga’e keessaa Biliyoonni 9.3 deeggarsaaf, biiliyoonni 6 Raayyaa Ittisaaf fi biiliyoonni 6.3 of eeggannoof ta’uu ibsameera.
Akkasumas biiliyoonni 2 weerara vaayrasii koroonaa ittisuuf, biiliyoonni 2 tumsa Xaa’oof, miiliyoonni dhibbi 6 ittisa balaa lolaaf, miiliyoonni dhibbi 2 fi miiliyoonni 30 Misooma seeftineetii wabii nyaataa magaalootaaf yoo ta’u, miiliyoonni dhibbi 5 Proojektoota raawwachiisuuf kan oolu ta’a jedhame.
Dabalataan wixinee labsii Gabaa Kaappitaalaa dandamachiisuuf ba’e sagalee guutuun raggaasiseera.
Hayilayasuus Siyyuumtu gabaase.
Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.