Finfinnee, Fulbaana 18,2015 (FBC)- Ibsituu Ityoophiyaanotaa kan ta’e Ayyaanni Irreechaa karaa nagaan akka kabajamuuf qophiin taasifamaa jira jedhan sadarkaa Ittaanaa Kantiibaatti Hojii Gageessaan Magaalaa Finfinnee oobo Xiraatuu Bayyanaa.
Sadarkaa Ittaanaa Kantiibaatti Hojii Gageessaan Magaalaa Finfinnee oobo Xiraatuu Bayyanaa, Waajjira Partii Badhaadhinaa Magaalichaatti hogganaan damee siyaasaa obbo Alamaayyoo Ijjiguu, Hojii Raawwachiisaan Kutaa Magaalaa Qiirqoos Dooktar Biruuk Kadiriifi hoggantoonni olaanoon magaalichaafi kutaa magaalichaa biroon Paarkii Irreechaatti argamuun haal-duree kabaja Ayyaana Irreechaa daawwataniiru.
Ayyaana ibsituu Ityoophiyaanotaa kan ta’e Ayyaanni Irreechaa duudhaalee aadaa isaa qabatee karaa nagaan akka kabajamuuf akka bulchiinsa magaalichaatti qophii barbaachisaan xumuramaa jiraachuu Obbo Xiraatuun eeraniiru.
Hojiin bakka Irreeffannaa qulqulleessuu, haala aadaa isaa calaqqisiisuun miidhagsuufi hojiin eegumsaa kan hojjetamu ta’uu ibsuu ragaan waajjira kantiibaa magaalichaarraa argame ni mul’isa.
Odeeffannoowwan waqtaawaa dabalataan argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.