Finfinnee, Sadaasa 14, 2014(FBC)-Atleet Fayyisaa Leellisaa , artisti Masfiin Baqqalaa, Obbo Na’aamiin Zallaqaa fi Kiristiyaan Taaddalaa biyyaaf duuluuf murteessaniiru.
Atleet Fayyisaa Leellisaa dabalatee, artisti Masfiin Baqqalaa, xinxalaan siyaasaa Na’aamiin Zallaqaa, Hogganaan Sabqunamti ‘ABIN’ Kirsitiyaan Taaddalaa duulatti qajeeluu Muummee Ministiraa Ityoophiyaa Dooktar Abiy Ahimad hordofee, addaa waraanaatti akka duulan beeksisaniiru.
Atleet Fayyisaa Leellisaan waamicha Muummee Ministira Abiy Ahimad dhiyeessan fudhachuun gara addaa waraanaatti duuluuf murteessuu himeera.
Yeroo ammaa rakkoo biyyi keenya keessaa jirtu akkuma abootiin keenya Aduwaatti duulan anis addaa waraanaa deemee gahee narraa eegamu nan bahadha jedhera.
Haaluma walfakkatuun Weellisaa Masfin Baqqalaa anis dursa biyyaaf kennuun weellisu irraa darbee gootota Raayyaa Ittisa Biyyaa fi MM Abiy Ahimad waliin bilisummaa koof, mirgaa koo fi biyyaa koof lubbuu koo aarsaa kaffaluuf qophii ta’uu koo fi aarsaa kaffalamu hunda kaffaluuf qophii ta’uu beeksiseera.
Obbo Kiristiyaan Taaddalaas tokkummaa biyyaa fi nageenya uummataaf lubbuun nu mararu hin jiru nutis MM Abiy Ahimad waliin ni duuluuf murteessaniiru.
Naannoo keessaan eegaa!
Gara adda waraanaatti duulaa!
Raayyaa Ittisa Biyyaa deeggaraa!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna