Finfinnee, Hagayya 16, 2014(FBC) – Dorgommii fiigichaa walakkaa maraatoonii Biraaziil Riyoo Dii Jeneri’oo fi Arjentiinaa Boonas Ayirasitti gaggeeffameen Atileetonni Ityoophiyaa milkaa’aniiru.
Dorgommii figicha walakkaa maraatoonii dhiiraa Riyoo Dii Jeneri’ootti gaggeeffameen Atileet Asaffaa Baqqalaa sa’aatii 1fi daqiiqaa 3fi sekondii 52n 1ffaa ba’uun injifateera.
Bifuma walfakkaataan dorgommii walakkaa maraatoonii dubaraa Riyoo Dii Jeneri’oon atileet Mastaawat Fiqree sa’aatii 1fi daqiiqaa 13fi sekondii 4 1ffaa yoo baatu, Faantuu Galaasaa sa’aatii 1fi daqiiqaa 13 fi sekondii 7n 2ffaa ba’uun xumurteetti.
Gama biraan dorgommii fiigichaa walakkaa maaraatoonii dhiiraa Arjentiinaa Boonas Ayirasitti gaggeeeffameen atileet Garbaa Baayyataa sa’aatii 1 fi sekondii 29 1ffaa yoo ba’u, Dinqaalam Ayyalaa 2ffaa ba’uun xumureera.
Dorgommii dubartootaan atileet Attaalaay Annimuut sa’aatii 1fi daqiiqaa 7 fi sekondii 59 2ffaa yoo baatu, Zawdituu Adaraawu 5ffaafi Addisaalam Balaay 9ffaa ba’uun xumuruu madden maraatoonii Riyoo Dii Jeneri’oofi Boonas Ayiras irraa argame ni mul’isa.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.