Finfinnee, Sadaasa 25, 2017 (FBC) – Atileet Dirribaa Margaan sanada sobaan qabiyyee nama biroo Birrii miiliyoona 700tti gurguruuf walii galuu isaan hidhaa cimaa waggaa 3 fi baatii 4 adabamuu ibsame.
Manni Murtii Olaanaa Federaalaa Lidataa Dhaddachi dhimmoota Malaammaltummaa ramaddii 2ffaa oolmaa har’aan Atileet Dirribaa Margaa hidhaa Cimaa Waggaa 3 fi Baatii 4’n adabeera.
Manni murtichaa ragaa abbaan alangaa dhiyeesse qorachuun himatamtoonni dhimma ittiin himatamaaniif ragaa ittisaa akka dhiyeeffatan yaada murtoo kennus ittisuu dhabuu isaaniin murtii balleessummaa dabarseera.
Yaadoota adabbii xiqqeessan bitaa mirgaa erga dhaggeeffatee booda himatamaan 1ffaan Atileet Dirribaa Margaan hidhaa cimaa waggaa 3 fi baatii 4, akkasumas Birrii kuma 5 adabeera.
Himatamaa 2ffaan Aadde Manbaree Abbabaan ammoo hidhaa cimaa waggaa 2 fi baatii 9, akkasumas maallaqa Birrii kuma 3 akka adabamtu itti murteessuu ibsameera.
Taarik Addunyaatu gabaase.