Finfinnee, Hagayya 24, 2016 (FBC) – Dorgommii Shaamiyoonaa Atileetiksii Addunyaa Umrii Waggaa 20 gadiin Atileet Siimboo Alamaayyoon fiigicha gufachiisaa meetira kuma 3 rikardii bakkichaa fooyyessuun injifatte.
Simboon fageenyicha daqiiqaa 9:12.71’n xumuruun meedaaliyaa warqee dabalataa Itiyoophiyaaf argamsiifteetti.
Dorgommichaan hanga ammaatti Itiyoophiyaan meedaaliyaa Warqee 2 fi Meetii 2 argachuun addunyaarraa sadarkaa 1ffaan dursaa jirti.
Fiigicha gulaallii meetira 800 dhiiroota gidduutti gaggeeffameen Atileet Jeneraal Birhaanuun xumuraaf darbeera.
Akkasumas fiigicha gulaallii meetira 800 dubartoota gidduutti fiigameenis Atileet Asteer Areereen xumuraaf dabarte.