Finfinnee, Eebla 18, 2015 (FBC)-Godina Arsii Lixaatti qamadiin jallisiin faca’e irraa oomishni kuntaalli miiliyoona 1.8 kan eeggamu ta’uu waajjirri qonnaa godinichaa ibse.
Godinichatti qamadiin jallisiin misoome walitti qabamuu eegaleera.
Ittaanaan Itti Gaafatamaan Waaajjirichaa Obbo Ibsaa Gammadaa, godina Arsii Lixaatti lafti heektaarri kuma 47 jallisiin qamadiin misoomuu oomishi ga’es walitti qabamaa akka jiru dubbatan.
Haaluma kanaan lafa qamadiin misoomerraa oomisha kuntaala miiliyoona 1.8 kan eegamu ta’uu himaniiru.
Qonnaan bultoonni godinichaas oomishaa qamadii kanaa hektaara 1 irraa giddugaleessaan omisha kuntaala 35 argachuu dubbatan.
Jibriil Huseentu gabaase
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.