Finfinnee, Amajjii 4, 2014 (FBC) – Magaalaa Ambootti Abbootiin Gadaa fi Jaarsoliin Biyyaa Miseensoonni Shanee meeshaa hidhachuun bosona aanaalee Godina Shawaa Lixaa keessa socho’an karaa nagaan harka akka laatan waamicha dhiheessan.
Miseensoonni shanee aanaalee Godina Shawaa Lixaa keessatti saba isaanii irraan miidhaa qaqabsiisuu irraa akka of qusataniifi, waamicha Abbbootii Gadaa fi Jaarsolii Biyyaa dhagahuun gara qabsoo nagaatti akka deebi’an waamicha dabarsaniiru.
Waraanni ilmaan abbaa tokkoo gidduutti taasifamu miidhaa malee faayidaa hinqabu jedhanii miseensoonni shanee guyyaa har’aa irraa qabanii karaa nagaa harka isaanii Abbootii Gadaaf akka kennatan gaafataniiru.
Waldhabdee jiru ilaaf ilaameen furuun osoo danda’amuu Oromoon ilaalcha siyaasaa garaagaraa qabuun walmiidhuuf walbarbaaduun seenaa fi duudhaa Sirna Gadaa ittiin beekkamnu kan gurraachessudha jedhaniiru Abbootiin Gadaafi Jaarsoliin biyyaa kunneen.
Nagaan waaraa akka bu’uuf hawaasnii fi mootummaan gahee isaanirraa eeggamu qixaan akka bahan gaafachuu OBN gabaaseera.
Ityoophiyaa :- Misoomsuuf, Ijaaruuf, Yaa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.