Finfinnee, Muddee 7, 2013 (FBC) – Sudaanitti Ambaasaaddarri Ityoophiyaa ambaasaaddar Yibalxaal Ayimroo Sudaanitti bulchaa Gadaariif Dooktar Suleeymaan Alii waliin mari’ataniiru.
Hariiroo biyyoota lamaanirratti marii gaggeessaniiru.
Ambaasaaddar Yibalxaal Ayimroon tarkaanfii olaantummaa seeraa kabachiisuu naannoo Tigraay, duulichaan wal qabatee lammiilee gara Sudaan seenaanii fi nageenya waloo naannoo daangaa ilaalchisee tumsa sadarkaa naannootti ta’uu qabu irratti ibsa laataniiru.
Sababa duula gaggeeffamaa tureen lammiilee gara Sudaan baqataniif deeggarsa bulchiinsi Gadaariif taasiseef galateeffataniiru.
Wayita ammaa naannoo Tigraayitti nagaa fi tasgabbiin bu’uu isaan lammiileen qa’ee fi qabeenya isaaniirraa buqqa’an akka deebi’an bulchichi deeggarsaa fi tumsa akka taasiisan gaafataniiru.
Bulchaan bulchiinsa Gadaariif Dooktar Suleeymaan Alii gama isaaniin hariiroon biyyoota lamaanii hunda galeessaa fi seenaa qabeessa ta’uu himaniiru.
Naannoo Tigraayitti tarkaanfii olaantummaa seeraa kabachiisuu gaggeeffamaa ture hordofee Sudaan daangaa ishee cufuu fi lammiilee daaggarsa barbaadaniif ammoo balbala ishee banaa taasiisuun kanneen deeggarsa barbaadaniif deeggarsa taasisuu ibsaniiru.
Lammiilee sababa duula gaggeeffamaa tureen gara Sudaanitti baqatan deebisuuf deeggarsaa fi tumsa barbaachisu hunda kan taasiisaan ta’uu mirkaneessaniiru.
Hariiroo biyyoota lamaanii caalmaatti cimsuuf Imbaasii fi Waajjira Qoonsila waliin walitti dhiyeenyaan hojjechuuf qophii ta’uu isaanii ragaan Sudaanitti Imbaasii Ityoophiyaarraa argame ni agatrsiisa.
Fuula Feesbuukii keenyan dabalata odeeffannoo waqtaawaa argachuuf;
Teelegraama keenya https://t.me/afanoromofana subiskiraayib godhaa.
Karaa Yuutyuubii keenyan nu hordofuuf FBC Afaan Oromoo subiskiraayib godhaa.
Karaa marsariitii (weebsaayitii) keenya fanabc.com/afaanoromoo nu hordofaaa.
Twiitara keenya https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.