Finfinnee, Amajjii 24, 2014 (FBC)- Ajajni Lixaa caasaa garee shororkeessaa diiguun duulli seera kabachiisuu yeroo gabaabaa keessatti akka xumuramuuf ga’ee olaanaa ba’achuu Fiildmaarshaal Biraanuu Julaa ibsan.
Ajajichi sadarkaawwan 3 badhaasa meedaaliyaa kan laate yoo ta’u hoggantoonnii fi miseensonni badhaafamuu ibsameera.
Itaamaajur Shuumiin Waliigalaa Raayyaa Ittisa Biyyaa Fiildmaarshaal Biraanuu Julaan hoggantootaa fi miseensota kanneeniif badhaasa kennaniiru.
Ajajni Lixaa hoggantoota siyaasaa fi loltuu olaanoo garee shororkeessaa ABUT barbadeessuu fi to’annaa jala oolchuun duulli seera kabachiisuu yeroo gabaabaa keessatti akka xumuramuuf ga’ee olaanaa taphachuu eeraniiru.
Badhaasni kennameef qabsoo biyya diigumsarraa baraaruuf taasisaniif kan kenname ta’uu fi badhaasichi miseensota filatamaniif haa kennamuyyuu malee hojiichi garuu bu’aa waloo hoggansaa fi miseensaa ta’uun isaa hubatamuu qaba jedhan.
Dirqama itti aanuuf of qopheessuun barbaachisaa ta’uu kaasaniiru.
Ajajaan Ajaja Lixaa Leetenaal Jeneraal Massalaa Masarat gamasaaniin, ajajichi baatiiwwan 15 darbanitti gama humna namaan, meeshalee fi haamileen garee shororkeessichaa dadhabsiisuu fi ukkamsaa Ajaja Kaabaarratti raawwate qolachuu ibsaniiru.
Waraana kanaan gootawwan hedduu horachuun danda’amuu fi dirqama itti aanuuf qophii ga’aan taasifamaa jiraachuu mirkaneessuu isaanii ragaan Ministeera Raayyaa Ittisa Biyyaarraa argame ni mul’isa.
Ityoophiyaa :- Haa Misoomsinu, Haa Ijaarru, Haa Qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.