Finfinnee, Muddee 27, 2014 (FBC) – Abbootiin Qabeenyaa bulchiinsa Magaalaa Asallaa mana jireenyaa tajaajila tola ooltummaan ijaaran harka qaleeyyiif dabarsaniiru.
Sagantaa dabarsaa kanarratti hoggantoota mootummaa olaanoo magaalichaa dabalatee abbootiin Gadaa, haadholiin siinqee fi abbootiin amantaa argamaniiru.
Abbootiin qabeenyaa kunniin mana torba ijaaranii maattii abbaa warraa torbaaf dabarsanii jiru.
Abbootiin qabeenyaa kunneen mana ijaaranii kennuu cinatti harka qalleeyyii kunneeniif Birrii kuma 5 hanga kuma 20 gumachaniiru.
Kantiibaan Bulchiinsa Magaalaa Asallaa obbo Gazaalii Hashuu xumura sagantichaa irratti haasawa taasisaniin ,Abbootii qabeenyaa hojii eebbifamaa kanarratti hirmaatan galateeffatanii,fuulduraafis abbootiin qabeenyaa magaalattii harka qalleeyyii ollaa isaanii jiran akka ilaalan dhaamaniiru.
Abbotii qabeenyaa hojii tola ooltummaa kanarratti hirmataniif beekkamtii fi warraqaan ragaa kennameefii jira.
Abdallaa Amaantu gabaase.
Ityoophiyaa :- Misoomsuuf, Ijaaruuf, Yaa qophoofnu!!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.