Finfinnee, Bitootessa 5, 2015 (FBC) – Abbootiin Gadaa Godina Booraana tumsa bulchiinsi magaalaa Finfinnee lammiilee hongeen miidhamaniif taasise galateeffataniiru.
Abbootiin Gadaa kunneen yaa’ii Manni Maree magaalaa Finfinnee gaggeessaa jirurratti argamuun galata dhiyeessaniiru.
Deeggarsi bulchiinsi magaalichaa taasiise hawaasa bira qaqqabuu eeruun, bulchiinsi magaalichaa yeroo rakkoo kanaatti hawaasa cinaa dhabbachuu isaaf galateeffataniiru.
Ummanni Godina Booraana miseensota mana marichaaf Uffataa Aadaa Booraanaa gumaachuu AMN gabaaseera.
Bulchiinsi magaalaa Finfinnee Godina Booranaatti lammiilee hongeen miidhamaniif deeggarsa Birrii miiliyoona dhibba 2 fi miiliyoona 52 taasiisuun kan yaadatamuudha.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.