Finfinnee, Caamsaa 10, 2013 (FBC) – Abbaan Taayitaa Miidiyaalee Ityoophiyaa Asoosheetiid Preesiif akeekkachiisa barreeffamaa laachuu ibsame.
Asoosheetiid Preesiin dheerachuu filannoo marsaa 6ffaa ilaalchisee gabaasni tibbana hojjete dhugaarraa kan fagaate ta’uu Abbaan Taayitaa Miidiyaalee Ityoophiyaa beeksiiseera.
Abbaan Taayitaa Miidiyaalee Ityoophiyaa dhimmicha ilaalchisuun ibsa laateera.
Filannichi sababa hanqina dhiyeessii Loojiistiksii fi harkifachuu hojiin torbee muraasaaf akka dheeratu ifatti murtaa’uu osoo beekkamuu filannoon kan dheerate lola naannoo Tigraayiin kan walqabate jechuun gabaasuun ragaa dhugaarraa fagaate ta’uu Daayreektarri Olaanaan Abbaa Taayitichaa obbo Mahaammad Idiriis ibsaniiru.
Dhaabbatichi gabaasaa dogongoraa dhiyeessuu isaa hordofee Abbaan Taayitaa Miidiyaalee Ityoophiyaa oakeekkachiisa barreeffamaa laachuu himaniiru.
Akka EBCn gabaaseetti yeroo itti aanuus Miidiyaalee Ityoophiyaatti eeyyama argachuun socho’an kanneen heeraa fi seeraa hordofuun hin hojjennerratti tarkaanfiin walfakkaatu kan kan itti fufu ta’uu ibsaniiru.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.