Finfinnee, Sadaasa 14, 2017 (FBC) –Naannoo Oromiyaa Godina Shawaa Kaabaa Aanaa Alaltuutti balaa Tiraafikaa mudateen lubbuun namoota 11 darbuun ibsame.
Balichaan lubbuun namoota 11 kan darbe yoo ta’uu, namoota 40 irra miidhaan qaamaa cimaa fi 11 irra ammoo miidhaan qaamaa salphaan qaqqabuun ibsameera.
Balichi konkolaataan deddebisaa Ummataa Magaalaa Finfinneerra gara Dasee imalaa ture konkolaataa ‘Sinootiraak ‘waliin walitti bu’uun kan uumame ta’uu Waajjira Kominikeeshinii Godinichaatti Abbaan Adeemsa Hojii Kenniinsa Odeeffannoo Mootummaa Obbo Salamoon Zawudeen Faanaa Biroodkastingi Koorporeetiif ibsaniiru.
Namoonni miidhaan irra qaqqabe Hospitaalaa Sandaafaatti wal’aansi taasifamaafi jiraachuu dubbataniiru.
Malaakuu Gaddiftu gabaase.