Finfinnee, Mudde 26, 2016 (FBC)- Kantibaan Bulchiinsa Magaalaa Finfinnee Aadde Adaanech Abeebeen Dura Taa’aa Kongirasii Bulchiinsa Magaalaa Choonchiin Zhiwoo Shiichiingi waliin hariiroo gamlamee haala cimsuun danda’amurratti mari’ataniiru.
Wayita marichaatti, Zhiwoo Shiichiingi fi jilli isaanii Finfinneen magaalota Chaayinaa hedduu waliin walitti dhiyeenyaan hojjechaa jiraachuu kaasaniiru.
Magaalaan Finfinnee Magaalaa Choonchiin waliin waliigaltee obbolummaa akka mallatteessituu fi hariiroo jiru daran akka cimuuf fedhii qabaachuu ibsuu Aadde Adaanech gama miidiyaa hawaasummaa isaaniin eeraniiru.
Magaalonni kunneen walta’iinsa diinagdee, ce’umsa teeknooloojii, ogummaa, carraa barnoota bilisaa, akksumas dameewwan aadaa fi tuuriizimii irratti waliigaltee mallatteessuuf qophii ta’uun eerameera.
#Oromiyaa #Itiyoophiyaan
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.