Finfinnee, Bitootessa 6, 2014 (FBC) – Preezdaantiin Raashiyaa Vilaadmiir Putiin dhimma waldhabdee Raashiyaa fi Yuukreen ilaalchisee Muummee Ministiraa Isiraa’eel Naaftaalii Beeneet waliin bilbilaan mari’ataniiru.
Putiin marii Viidiyoo Konfireensiin bakka buutoota Yuukreenii fi Raashiyaa gidduutti gaggeeffamaa jiru ilaalchisee Naaftaalii Beeneetif ibsa taasiisaniiru.
Muummee Ministiraa Isiraa’eel Naaftaalii Beeneet gama isaaniin waldhabdee Raashiyaa fi Yuukreen ilaalchisee hoggantoota biyyoota hedduu waliin marii bal’aa taasiisuu isaanii Putiiniif ibsaniiru.
Qaamooleen lameen Duula addaa Bulchiinsa Doonabaas ittisuuf taasiifamaa jiru ilaalchisee yaada waljijjiiruu isaanii ibsameera.
Preezdaant Putiin Kutaa giddugaleessaa Dooneesikiitti haleellaa Misaa’eelaa Yuukreen guyyaa har’aa raawwatteen lammiileen nagaa hedduun miidhamuu kaasuun, gochicha balaaleeffataniiru jedhame.
Waldhabdeen Raashiyaa fi Yuukreen lubbuu lammiilee nagaa hedduu galaafachuu Anaadooluun maddoota garaagaraa wabeeffachuun gabaaseera.
Ityoophiyaa:-Haa Misoomsinu,Haa Ijaarru, Haa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.