Ameerikaan eeggumsa Nageenya Balallii Geejjiba Ityoophiyaa dinqisiifatte

Finfinnee, Sadaasa 28, 2015 (FBC) – Itti aanaa Gargaaraan Bulchiinsa Nageenya Geejjiba Ameerikaa Kaariin Liiyaansi eeggumsa Nageenya Balallii Geejjiba Ityoophiyaa dinqisiifataniiru.

Kaariin Liiyaansi Itti aanaa Daayrektara Jeneraalaa Tajaajia Nageenya Odeeffannoo Biyyaalessaa Obbo Sisaay Tolaa waliin mari’ataniiru.

Tajaajilli Daandiin Qilleensaa Ityoophiyaa laatu sadarkaa Afrikaa fi Addunyaatti maqaa gaarii kan qabu ta’uu ibsaniiru.

Bu’aan kunis hojiilee damee Nageenya Balalliin hojjetaman ta’uu Kaariin Liiyaansi kaasaniiru.

Tajaajilli balallii Ityoophiyaa humna namaa, Teeknooloojii fi gurmaa’insa cimaarratti kan hundaa’e ta’uu ibsuu isaanii ragaan Tajaajila Nageenya Odeeffannoo Biyyaalessaarraa argame ni mul’isa.

Ameerikaan nageenya balallichaa caalmaatti mirkaneessuuf gama Teeknikaa, Loojastiksii, Teeknooloojii fi leenjiin tumsa kan taasiiftu ta’uu mirkaneessaniiru.

Damee Ayiveeshinii yaaddoo nageenyaa walxaxaaf saaxilamaa ta’e bu’aa qabeessa taasiisuuf Ityoophiyaan damichaan hojii maqaa gaarii ijaaruu hedduu hojjechuu ishee Obbo Sisaay ibsaniiru.

Nageenya balallichaa caalmaatti mirkaneessuuf galteewwan Teeknooloojii, ijaarsa humna namaa fi gurmaa’insarratti hojii cimaa hojjetameen yaaddoo nageenyaa daraan hir’isuun danda’amuu eeraniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.