Ambaasaaddar Birihaanuun Itaamaajoorii Waliigalaa Humna waraanaa Jibuutii waliin mari’atan

Nageenyaa fi tasgabbii Ityoophiyaa eegsisuuf raayyaan ittisaa Wareegama kaffale tilmaama keessa galchuun badhaasa Nishaanii waraanaa olaanaa biyyattii eeyyama Preezdaantii Jibuutiin Jeneraal Birihaanuu Juulaaf laatame mootummaan Ityoophiyaa, Raayyaan Ittisaa fi uummanni biyyattii marti kan itti gammadan ta’uu fi Jiibuutiin kabaja Ityoophiyaaf qabdu olaanaa ta’uu marii isaaniin kaasaniiru.

Michummaan biyyoota lamaanii seenaa qabeessa ta’uu Itaamaajooriin Waliigalaa Humna waraanaa Jibuutii Jeneraal Zakaariyaa Sheek Ibraahiim ibsaniiru.

Jilli Itaamaajoorii Waliigalaa Humna waraanaa Ityoophiyaa jeneraal Birihaanuu Juulaan durfamu turtii Jibuutiitti taasiiseen hariiroo biyyoota lamaan gidduu jiruu fi dhimmoota tumsa humna waraanaa irratti waliin hojjechuuf mari’achuun isaanii ni yaadatama.

Hariiroo Ityoophiyaa fi Jibuutii gidduu jiru caalmaatti cimsuuf murannoon jiraachuu Itaamaajoorii Waliigalaa Humna waraanaa Jibuutii Jeneraal Zakaariyaa Sheek Ibraahiim mirkaneessaniiru.

Hoggantoonni hojii lamaanii dhimmoota nageenya naannichaarrattis mari’achuu isaanii ragaan Jibuutiitti Imbaasii Ityoophiyaarraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama keenya https://t.me/afanoromofana subiskiraayib godhaa.

Karaa Yuutyuubii keenyan nu hordofuuf FBC Afaan Oromoo https://www.youtube.com/c/fanabroadcastingcorporate/ subiskiraayib godhaa.

Karaa marsariitii (weebsaayitii) keenya fanabc.com/afaanoromoo nu hordofaaa.

Twiitara keenya https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.