Ambaasaaddar Birihaanuu Tsaggaayeen Jiibuutiitti waamama DhMG waliin mari’atan

Finfinnee, Onkololeessa 18, 2014 (FBC) – Jiibuutti Ambaasaaddarri Ityoophiyaa Birihaanuu Tsaggaayeen Jiibuutiitti waamamaa Dhaabbata Mootummoota Gamtoomanii Eerik Ovarveesti waliin mari’ataniiru.

Ambaasaaddar Birihaanuun hariiroo Seenaa, tarsiimoo fi diinagdee Ityoophiyaa fi Jiibuutii ilaalchisee ibsa taasiisaniiru.

Haala waqtaawaa Ityoophiyaa yeroo ammaa fi lubbuu lammiilee baraaruuf tarkaanfii garee shororkeessaa ABUT irratti fudhatamaa jiru ilaalchisees ibsa laataniiru.

Ambaasaaddar Birihaanuun dhaabbilee fi biyyoonni tokko tokko gochaa badii garichaa callisaan ilaalaa jiraachuun sirrii akka hin taane kaasaniiru.

Garicha balaaleeffachuun osoo irra jiraatuu tarkaanfii mootummaan Ityoophiyaa lubbuu lammiilee baraaruuf fudhateef dhiibbaa hin malle uumuuf dhaabbilee fi biyyoonni tokko tokko socho’aa jiraachuu ibsaniiru.

Jiibuutiitti waamamaan Dhaabbata Mootummoota Gamtoomanii Eerik Ovarveesti gama isaaniin simannaa taasiifameefitti gammaduu ibsuun dhimmichi karaa nagaan akka furmaata argatu tattaaffii kan taasiisan ta’uu dubbachuu isaanii ragaan Ministeera Dhimma Alaarraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.