Ajajoonni Humna Qilleensaa biyyoota Afrikaa bu’uuraalee misoomaa loltummaa daawwatan

Finfinnee, Mudde 4, 2016 (FBC)- Ajajoonni Humna Qilleensaaa, Ataasheewwanii fi hoggantoonni dhaabbilee Aviyeeshinii biyyoota Afrikaa bu’uuraalee misoomaa loltummaa fi dandeetti hidhannoo humnichaa guddisuuf hojjetamaa jiran daawwataniiru.

Hundeeffama Humna Qilleensaa Itiyoophiyaa Waggaa 88ffaan Sadaasa 20, 2016 irraa eegalee sagantaalee garagaraa kabajamaa kan jiru yoo ta’u, guyyaa har’aas mariin paanaalii Ajajoota Humna Qilleensaa, Ataasheewwanii fi hoggantoota dhaabbilee Aviyeeshinii biyyoota Afrikaa hirmaachise gaggeeffameera.

Waltajjichaan cinaattis bu’uuraaleen misoomaa loltummaa fi dandeettii hidhannoo humnichaa guddisuuf hojiilee hojjetamaa jiran, ijaarsa dandeetii humna namaa, dandeetti hidhannoo ammayyeessuuf hojiilee jijjiiramaan as hojjetaman daawwataniiru.

Dabalataan, humni qilleensichaa hojiilee damee hedduu misooma qonnaan hojjataa jiru daawwachuu TOI gabaaseera.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.