Adaamaafi Mojootti  hojiin adda ciccituu humna ibsaa indaastiriiwwanii  hir’ise hojjetamuun ibsame

Finfinnee, Bitootessa 8, 2017 (FMC) – Magaalota Adaamaafi Mojootti  ciccituu humna ibsaa indaatiriiwwanii  hir’isuuf  hojiin   bu’uuraalee  misoomaa elektirikii hojjetamuu Tajaajila Elektirikaa Itiyoophiyaatti Dameen Adaamaa beeksise.

Humna ibsaa amasiisaafi qulqullina qabu  indaastiriiwwan magaalota kanneeniif  dhiyeessuuf hojjetamaa jiraachuun ibsameera.

Baatiiwwan saddettan darbanitti magaalaa Mojootti hojiin diriirsa sarara giddugaleessaa kiiloomeetirri 35.6, magaalaa Adaamaatti ammoo kiiloomeetirri 28.5 diriirsuu hojjetamuu Daayrektarri damichaa Obbo Xahaa Ahimad himaniiru.

Kana malees magaalaa Walancitiif hojiin  sarara giddugaleessaa kiiloomeetirri 23  diriirsuu fi Magaalaa Diiksiisiif ammoo kiiloomeetirri 11.4 xumuramuu kaasaniiru.

Bu’uuraaleen misoomaa elektirikii kunneen rakkoo adda ciccituu humna ibsaa indaastiriiwwan oomishaa 20 magaalota  Adaamaafi Mojootti argaman mudachaa turan hir’isuu eeruu isaanii ragaan Tajaajila Elektirikii Itiyoophiyaarraa argame ni mul’isa.

#Oromia #Ethiopia