Abbaan Taayitaa Daandiiwwanii Finfinnee proojaktoota ijaarraman ebbisiise
Finfinnee, Muddee 24, 2012 (FBC) – Abbaan Taayitaa Daandiiwwanii Bulchiinsa Magaalaa Finfinnee proojaktoota daandiiwwanii 16 fi riqaalee 7 ijaarsi isaanii xumurame ebbisiise.
Proojaktoonni ebbifaman kanneen kutaalee bulchiinsa magaalichaa garaagaraatti kan hojjeetamanidha.
Daandiiwwanii fi riqaaleen kanneen kiilo meetira 25 fi bal’ina meetira 10 – 30ti jedhameera.
Daandiiwwanii fi riqaalee kunneen baajata bulchiinsi magaalaa Finfinnee ramade Birrii biiliyoona 1 oliin hojjetaman.
Proojaktonni kanneen irra caalaan yeroo qabameef keessatti kan xumuramanidha.