Aanaalee Godina Jimmaa adda addaa keessatti facaasaan Qamadii jallisii bonee itti fufe

Finfinnee, Sadaasa 5, 2017 (FBC) – Aanaalee Godina Jimmaatti adda addaa keessatti facaasaan Misooma Qamadii Jallisii Bonee bara kanaa itti fufuu ibsameera.

Godinichatti bara kana lafa heektaara kuma 500 ol jallisiin misoomsuuf karoorfaame, Guyyaa har’aa Aanaa Nadhii Gibee Ganda Buusatti facaasaan misooma Qamadii jallisii bakka Hoggonaan Biiroo Qonna Oromiyaa Geetu Gamaachuu fi Bulchaan godina Jimmaa Obbo Tijjaanii Naasir argamaanitti gaggeefaameera.

Bara kana lafa heektaara kuma 500 fi kuma10 irratti qamadii jallisiin misoomsuuf hojiin facaasaa eegalamuu Obbo Tijjaaniin eeraniiru.

Oromiyaatti bara kana lafa heektaara miliyoona 4 ol Qamadii jallisiin misoomsuuf karoorfaame hojjetamaa jiraachuu Hogganaan Biiroo Qonnaa Oromiya Obbo Geetuu Gammaachuu ibsaaniiru.

Misooma jallisii bara kanaaf hanqinni sanyiifi xaa’oo akka hin mudanneef qophiin taasifamuu eerameera.

Muktaar Xahaatu gabaase.

#Oromia #Ethiopia