Aadde Muufariyaat Kaamiil Baankii Addunyaatti Daayreektara Ityoophiyaa waliin mari’atan

Finfinnee, Onkololeessa 30, 2014 (FBC)- Minisirri Ministeera Hojii fi Kalaqaa aadde Muufariyaat Kaamiil Baankii Addunyaatti Daayreektara Ityoophiyaa Uusmaan Diiyoon waliin mari’ataniiru.

Ityoophiyaan dargaggoo hedduu kan qabdu, qabeenya qabdu haalaan itti fayyadamuun dameewwan akka qonnaa fi tuurizimiirratti jabaattee hojjechuun dargaggoota ogummaa ga’aa qaban gara hojiitti bobbaasuu akka qabdu daayreektarichi ibsaniiru.

Haala qabatamaa hojii fi kalaqa Ityoophiyaarratti hanqinoota mul’atan irratti erga mari’atanii booda Baankiin Addunyaa teekinikaa fi ogummaa irrattis ta’e hojiirratti deeggarsa taasisuuf qophii ta’uu eeraniiru.

Dhaabbilee Ogummaa fi Teekinikaa Kuma 1 fi 600 Ityoophiyaa keessa jiran ga’oomsuun, yaadota kalaqa hojii sirna barnootaa waliin wal simsiisuun, beekumsaa fi teeknooloojii ceesisuun, dameewwan qonnaa fi tuurizimii akkasumas dameewwan hojii namoota hedduuf carraa hojii uuman irratti xiyyeeffachuunii fi dandeettii Ityoophiyaan qabdu gara hojiitti jijjiiruun xiyyeeffannoo gara fuula duraa ta’uu aadde Muufariyaat ibsaniiru.

Baankii Addunyaatti Daayreektarri Ityoophiyaa Uusmaan Diiyoonii fi gareen isaanii deeggarsa hunda galeessa Ityoophiyaaf taasisaa turaniif dinqisiifachuun kaka’umsa Ityoophiyaa waliin hojjechuuf agarsiisaiif galateeffachuu ragaan Ministeericharraa argame ni muul’isa.

Naannoo keessaan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.