Milkaa’ina karoora bara 2016tiif xiiqiin hojjachuun murteessaadha – Pri. Shimallis Abdiisaa

Finfinnee, Adoolessa 5, 2015 (FBC) – Milkaa’ina karoora bara 2016tiif xiiqiin hojjachuun murteessaa ta’uu Pireezidaantiin Bulchiinsa Mootummaa Naannoo Oromiyaa Obbo Shimallis Abdiisaan ibsan.

Gamaaggamni raawwii hojii bara 2015 fi boqonnaan qophii karoora bara 2016 hojiiwwan Mootummaa fi Paartii magaalaa Adaamaatti gaggeeffamaa jira.

Bara 2015 keessa humnoota waloo qindeessuun hojii hojjetamaa tureen milkaahinoonni hedduun argamuu Pireezidaanti Shimmallis eeraniiru.

Bu’aawwan argaman kanneen caalmaatti itti fufsiisuun bara itti aanu injifannoo dachaa galmeessuuf xiiqiin hojjechuu qabna jedhaniiru.

karooraa bara 2016 keessa raawwachuuf karoorfame guutumaan guututti raawwachuuf hoggansi sadarkaan jiru qajeeltoo kaa’ame irratti hubannoo wal fakkaataan socho’uu akka qaban dhaamaniiru.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.