Naannichatti sagantaa Ashaaraa Magariisaan biqiltuu biiliyoona 1.3 dhaabuuf hojjetamaa jira jedhame

Finfinnee, Waxabajjii 10, 2015 (FBC) – Naannoo Ummattoota Kibbaatti bara kana sagantaa Ashaaraa Magariisaan biqiltuu biiliyoona 1.3 dhaabuuf hojjetamaa jiraachuu Biiroon Qonnaan naannichaa beeksiise.

Sagantaan jalqabbii dhaabbii biqiltuu bara kanaa akka naannichaatti Godina Geede’oo aanaa naannawaa Diillaatti gaggeeffameera.

Saganticharratti Kantibaa magaalaa Finfinnee Aadde Adaanach Abeebee dabalatee hoggantoonni mootummaa Federaalaa fi naannoo argamuu ibsameera.

Sagantaa Ashaaraa Magariisaa marsaa 2ffaa kanaan biqiltuuwwan kuduraa fi biqiltuun mukeen biyya keessaa kan dhaabatan ta’uu TOI gabaaseera.

Dhaabbii biqiltuu cinaatti hojiileen misooma qonnaan bultoota moodeelaan hojjetama daawwatamaniiru.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.