Girikitti Bidiruun godaantoota feetee imalaa turte dhidhimuun lubbuun namoota 78 darbe

Finfinnee, Waxabajjii 7, 2015 (FBC) – Girikitti Bidiruun godaantoota feetee imalaa turte dhidhimuun lubbuun namoota 78 darbuu dhaga’ameera.

Bidiruun tun qarqara galanaa Peelooppooneez magaalaa Peeliis Kallattii Kibba Lixaatti argamu keessatti dhidhimuu ibsameera.

Hanga ammaatti lubbuu namoota 100 baraaruun danda’amuu eerameera.

Lakkoofsi namoota Bidiruu kanaan imalaa turanii kan hin beekkamne ta’us ,Baha Liibiyaa kaatee galaana Girik keessa wayita imalaa turtetti dhidhimuu himameera.

Dilbata darbe Godaantoonni 90 Alaabaa Ameerikaa fannifatanii qarqara Galaanaa Girikiitti balaan wayita irra ga’uuf ture sagalee dhageessifachuu isaanii hordofee hojjettoota lubbuu baraartootaan lubbuun isaanii hafuu Aljaziiraan gabaaeera.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.