Manni Maree Ministirootaa baajanni Mootummaa Federaalaa Bara 2016 Birrii biiliyoona 801.65 akka ta’u murteesse

Finfinnee, Caamsaa 29, 2015 (FBC) – Manni Maree Ministirootaa yaa’ii idilee 21ffaa gaggeesseen wixinee labsii Baajata mootummaa Federaalaa bara 2016 dhiyaaterratti mari’achuun murtoo dabarseera.

Baajanni Mootummaa Federaalaa bara 2016 karoora misoomaa waggaa 10 tilmaama keessa kan galche, nageenya biyyaa kabachiisuu, lammiilee sababa balaa namtolchee fi uumamaan rakkoof saaxilaman garaagarruu, bu’uuraalee misoomaa duula birmadummaa biyyaa kabachiisuuf jecha barbadaa’aan deebisanii dhaabuu, kallattiiwwanii fi Kaayyoo dhimmoota hawaasummaa fi diinagdee yeroo itti aanu jiraachuu danda’u akkaataa milkeessuu danda’uun kan ilaallame ta’uu ibsameera.

Akkasumas bu’uura diinagdee Gooroo fi Faayinaansii yeroo giddu galeessaa bara 2016-2020 irratti hundaa’uun kan qophaa’e ta’uu eerameera.

Haaluma kanaan Baasii Idilee Mootummaa Federaalaaf Birrii biiliyoona 369.6, Baasii Kaappitaalaaf Birrii biiliyoona 203.9, deeggarsa Naannoleef Birrii biiliyoona 214.07, galma misooma waaraa raawwachiisuuf Birrii biiliyoona 14, waliigalaan Baajanni Mootummaa Federaalaa Bara 2016 Birrii biiliyoona 801.65 ta’uun dhiyaateera.

Manni Marichaan baajata dhiyaaterratti mari’achuun galteewwan barbaachisan dabalamuun gara Mana Maree Bakka Bu’oota Ummataatti akka qajeelfamu sagalee guutuun raggaasiseera.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.