Koreen dhaabbichaa Godinaalee 8 fi magaaloota 2 keessatti hordoffii fi to’annoo dirree gaggeessuuf ta’uu ibsame

Finfinnee, Caamsaa 22, 2015 (FBC) – Koreewwan Dhaabbii Caffee Oromiyaa Godinaalee 8fi Magaalota 2 keessatti hordoffiifi to’annoo dirree marsaa 2ffaa gaggeessuuf ta’uu ibseera.

Af -Yaa’iin Caffee Oromiyaa Aadde Sa’aadaa Abdurahmaan, bobbii dirree Koreewwan Dhaabbii Caffee taasisan ilaalchisee kallattii hojii kennaniiru.

Hordoffiifi to’annoon taasifamu kaayyolee muummee qabamee hojjetamaa jiru giddu gala godhachuu akka qabu ibsaniiru.

Miseensonni Caffee uummata isaan filatetti dhiyaachuun yaada, gaaffiifi komii ummanni qabu dhaggeeffachuun sadarkaan fala akka argatu gurmaa’insa sadarkaa Naannoo Filannootti akka qabaatan taasifamuu eeraniiru.

Gurmaa’iinsa Waajjira Naannoo Filannootti hundaa’e kanaan hojiin hojjetamaa jiruufi hudhaaleen jiran xiyyeeffannoo addaan ilaalamuu akka qabanis hubachiisaniiru.

Bobbii taasifamu kana keessatti, Jilli Koreewwan Dhaabbii kun miseensota Caffee Oromiyaafi Manneen Maree Godinaalee, Aanaaleefi Magaalota kanneen keessa jiran hirmaachisuun karaa qindoomina qabuun gaggeessuu akka qabanis kallattii kaa’uu ragaan Waajjira Caffee Oromiyaarraa argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.