Tajaajilli Nageenya Odeeffannoo Biyyaalessaafi Dhaabbanni Odeeffannoo Jarman waliin hojjechuuf waliigalan

Finfinnee, Caamsaa 14, 2015(FBC)- Tajaajilli Nageenya Odeeffannoo Biyyaalessaa Dhaabbata Odeeffannoo Jarman waliin tumsaan hojjechuuf waliigaltee mallatteessuu ibsame.

Jilli Daayrektara Olaanaa Tajaajila Nageenya Odeeffannoo Biyyaalessaa Obbo Tamsgeen Xuruneen durfamu jila garee Dhaabbata Nageenya Odeeffannoo Jarman waliin dhimmoota naannawaa, idil addunyaafi yeroorratti marii bal’aa taasisuu eerameera.

Marichaan booda dhaabbileen lameen leenjii ijaarsa dandeettii dhimmoota waloorratti waliin hojjechuu isaan dandeessisu taasisuuf waliigaluu ibsameera.

Dhaabbileen lameen shororkeessummaa, daddabarsa maallaqaafi namaa seeraan alaa akkasumas yakkoota biroo waliin ittisuuf odeeffannoo waljijjiiruuf waliigaluu ibsa Tajaajilli Nageenya Odeeffannoo Biyyaalessaa Faanaa Biroodkaastiing Koorporeetiif ergeen eerameera.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.