Manneen Maree fayyadamummaa ummataa mirkaneessuuf hojjechuu qabu-Aadde Sa’aadaa Abdurraahmaan

Finfinnee, Caamsaa 14, 2015 (FBC)- Manneen Maree ummataa aantummaan fayyadamummaa ummataa haala mirkaneessuun hojjechuu qabu jedhan Afyaa’iin caffee Oromiyaa Aadde Sa’aadaa Abduurrahmaan dubbatan.

Gamaaggamni raawwii hojiilee baatiiwwan saglan darbanii Afyaa’ota Manneen Maree Aanaaleefi Magaalota Oromiyaa Adaamaatti gaggeeffamaa jira.

Aadde Sa’aadaa Abdurahmaan waltajjicharratti haasawaa taasisaniin, manneen maree ummataa aangoo heeraa fi seeraan kennameef bu’uureffachuun ergama isaanii bahachuu akka qaban ibsaniiru.

Kana malees, manneen maree aantummaa ummataa qabaatanii, fayyadamummaa ummataa haala mirkaneessuun hojjechuu akka qaban hubachiisaniiru.

Galmoota gurguddoo imala badhaadhinaa qabamanii mirkaneesuuf hojjetamaa jiraachuu kan kaasan aadde sa’aadaan, karooraa kanneen milkeessuuf manneen maree gahee olaanaa qabaachuu dubbataniiru.

Kanaafis karoora bilchina qabuun hoogganuu fi qindoomina waloon hojjachuun, itti gaafatamummaa isaanii bahachuun, amantaa ummataa dabaluu akka qaban dhaamuu ragaan Caffee Oromiyaarraa argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.