Jilli Obbo Aganyawu Tashaagariin durfamu dhaabbilee garaagaraa mootummaa Raashiyaa waliin mari’ate

Finfinnee, Caamsaa 9, 2015(FBC)- Jilli Af-Yaa’ii Mana Maree Federeeshinii Obbo Aganyawu Tashaagariin durfamu dhaabbilee garaagaraa mootummaa Raashiyaa waliin mari’achuu ibsame.

Jilichi dhaabbilee biyyattii waliin haala hariiroo biyyoota lameenii cimsuun danda’amurratti mari’achuu eerameera.

Jilichi Ejensii Qabeenya Albuudaa Raashiyaafi Dura Taa’aa Komishinii Waloo Tumsa Diinagdee, Saayinsiifi Teekinikaa Raashiyaafi Ityoophiyaa waliin mari’achuu ibsameera.

Haala Ityoophiyaan damee albuudaa Raashiyaarraa muuxannoo qooddachuu dandeessurratti, haala abbootiin qabeenyaa hojiilee invastimantii Ityoophiyaarratti bobba’uu danda’anirratti akkasumas haala Raashiyaan deeggarsa faayinaansiifi teekinikaa Ityoophiyaaf taasistu cimee itti fufuu danda’urratti mari’achuu ragaan Mana Maree Federeeshiniirraa argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.