Dambalii Ogummaa Badhaadhina Oromiyaaf!

Finfinnee, Caamsaa 6, 2015 (FBC) – Biiroon Carraa Hojii Uumuufi Ogummaa Oromiyaa galmoota gurguddoo imala badhaadhinaa milkeessuu dandeessisan teeknooloojiin gabbisuun toorri qabatee jiru milkii agarsiisaa jiraachuu ibseera.

Sagantaan Waldorgommii dandeettii Ogummaa, teeknoloojii, qorannoofi qo’annoo, Kalaqaafi Intarpiruunarshiippii Marsaa 4ffaa Mata duree ‘Dambalii Ogummaa Badhaadhina Oromiyaaf’ jedhuun magaalaa Adaamaatti gaggeeffamaa jira.

Hogganaa Carraa Hojii Uumuufi Ogummaa Oromiyaa Obbo Maatiyoos Sobbooqss jijjiiramoota eegalame dhugoomsuuf hojiilee ogummaa dagaagsuu, teeknooloojii fi kalaqaa jajjabeessuu, qorqalbii biizinasii hawaasaa ijaaruun aadaa hojii fooyyessuu, beekumsaafi naatoo hawaasa keessa dhokatanii jiran sakatta’uun leenjiifi teekinooloojiin deggaruu, misooma intarpiraayizootaa cimsuun carraa hojii bal’inaan uumuudhaan riqicha ce’umsa teeknooloojii mirkaneessuuf sochii bal’aan taasifamaa jiraachuu dubbataniiru.

Bu’ura kana milkeessuuf waggaa waggaan sagantaa waldorgommii dandeettii ogummaa, teeknooloojii, qorannoofi qo’annoo, kalaqaafi interpiruunarshiippii leenjistoota, leenjifamtoota, sochooftota IMX, abbootii kalaqaafi Intarpiruunaroota yaada bizinasii qaban gidduutti taasiifamaa ture bara kanas marsaa 4ffaaf gaggeeffamaa jira.

Kaayyoon isaas miira dorgommii cimaa uumuun yaadni isaanii gara dinagdeetti akka jijjiiramufi jedhame

Sagantaa kanarratti Dhimmamtoonniifi qooda fudhattoonni beekamtiifi badhaasa garaagaraa kan kennamuuf yoo ta’u, Hoggantoonniifi Keessummoonni Mootummaa Federaalaafi Naannolee hirmaachuu ragaan BKO irraa argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.