Komishiniin Invastimantii Ityoophiyaafi Dhaabbanni Oomisha Mukaa Chaayinaa waliigaltee waliif mallatteessan

Finfinnee, Eebla 20, 2015(FBC)- Komishiniin Invastimantii Ityoophiyaa Dhaabbata Oomisha Mukaa Chaayinaa Cheen Shii waliin waliigaltee mallatteessuu ibsame.

Waliigaltichi warshaa qindeessa mukaa Ityoophiyaatti ijaaruuf ta’uu ibsameera.

Warshichi Doolaara miiliyoona 8’n kan ijaaramu ta’uu ragaan Komishinii Invastimantii Ityoophiyaarraa argame ni mul’isa.

Bifuma walfakkaatuun Paarkiin Indaastirii Chaayinaa Huwaajiyaan jedhamu dhaabbilee Ityoophiyaa piroojektoota isaanii paarkicha keessatti hundeessuu barbaadan 21 waliin waliigaltee mallatteesseera.

Dhaabbileen kunneen hojiilee oomisha fuullee, sibiilotaa, kophee, Aluuminiyeemii, meeshaalee yaala fayyaa, warshaaluu (konkolaataa walitti hidhuu), saamsuufi kanneen biroorratti kan bobba’an ta’uu ibsameera.

Kappitaalli waliigalaa dhaabbilee kanneenii Doolaara miiliyoona 96.2 kan gahu ta’uu eerameera.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.