Balaa ibiddaa Finfinnee Kutaa Magaalaa Addis Katamaatti mudateen miidhaan qaqqabe

Finfinnee, Bitootessa 20, 2015 (FBC)- Magaalaa Finfinnee Kutaa Magaalaa Addis Katamaa bakka addaa ‘Adaree‘ jedhamuutti balaa ibiddaa mudateen miidhaan qabeenyarra qaqqabuun Koomishiniin Hoggansa Sodaa Balaa fi Ibiddaa magaalicha beeksise.

Ogeessi Quunnamtii Ummata Koomishinichaa Obbo Nigaatu Maammoo Faanaa Biroodkastingi Koorpooreetiif akka ibsanitti balichi har’a guyyaa keessaa sa’aatti 8:46’tti akka mudatee fi qabeenyaarra miidhaan qaqqabeera.

Haaluma kanaan manneen jireenyaa fi suuqiin 8 barbadaa’uu fi nama tokko irra miidhaan salphaan ga’uu dubbataniiru.

Yeroo ammaas balichi to’atamuu fi ka’uumsi balichaa akkasumas tilmaamni qabeenyaa barbadaa’ee qoratamaa jiraachuu ibsaniiru.

Tsahaay Gulummaatu gabaase.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.