Shakkamtoonni karaa seeraan alaa meeshaalee waraanaa biyyoota ollaarraa galchuuf turan to’ataman

Finfinnee, Bitootessa 15, 2015 (FBC) – Shakkamtoonni karaa seeraan alaa meeshaalee waraanaa biyyoota ollaarraa galchuuf yaalaa turan to’atamuu Poolisiin Federaalaa beeksiise.

Shakkamtoonni meeshaalee waraanaa Bireenii fi Kilaashinkoovii rasaasa waliin biyyoota ollaarraa gara biyya keessaa galchuuf turan Naannoo Kibbaa Godina Oomoo aanaa Hamar laga Oomoo Bidiruun ce’uun Motorarratti fe’uuf wayita yaalaa turan oppireeshinii gaggeeffameen to’atamuu beeksiseera.

Bifuma walfakkaatuun naannoo Amaaraatti sakattoo gaggeeffameen Shugguxiiwwan, Kilaashinkooviin 9, Boombiin 13 fi Rasaasni garaagaraa hedduun karaa seeraan alaa daddabarfamaa ture to’atamuu Poolisiin Federaalaa ibseera.

Dabalataan naannoo Ummattoota Kibba Lixa Ityoophiyaatti Boba’aan Barmeelli 24 karaa seeraan alaa daddabarfamaa ture to’atamuu ragaan Poolisii Federaalaarraa argame ni mul’isa.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.