Qonna Arfaasaatiin lafa hektaara miiliyoona 1.1 misoomsuun Callaa kuntaala miiliyoona 22.6 argachuuf hojjatamaa jira – BQO

Finfinnee, Guraandhala 27, 2015 (FBC) – Qonna Arfaasaatiin lafa hektaara miiliyoona 1.1 misoomsuun callaa kuntaala miiliyoona 22.6 argachuuf hojjatamaa jiraachuu Biiroon Qonnaa Oromiyaa beeksiseera.

Qonna Arfaasaatiin lafa hektaara miiliyoona 1.1 misoomsuun Oomisha kuntaala miliyoona 22.6, Qonna Gannaa bara oomisha 2015/6 ammoo lafa hektaara miiliyoona 6.6 misoomsuun Callaa kuntaala miiliyoona dhibba 2 fi miiliyoona 19 argacchuuf karoorfamuu Hogganaan Biirichaa Obbo Geetuu Gammachuu ibsaniiru.

Leenjiin paakejii Guutuu qonnaa Arfaasaafi Gannaa bara oomisha 2015/16 ogeeyyii qonnaa kuma 2 fi 675f marsaa sadiin kennamu magaalaa Baatuu Yuunvarsiitii Naannoo Oromiyaatti eegaleera.
Bara kana qonna Gannaan lafa hektaara miiliyoona 6.6 misoomsuun oomisha kuntaala miiliyoona dhibba 2 fi miiliyoona19 argachuuf karoorfamuu eeraniiru.

Lafa misoomu keessaa 80% kilaasteraan misoomsuuf karoorfamuu Obbo Geetuun himuu ragaan Biiroo Qonnaa Oromiyyaarraa argame ni mul’isa.

#Oromiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.